Ontdek

Oliver Cromwell het nou wel die koningskap van die hand gewys, maar sy begrafnisbeeld is aangetrek in ampsgewaad, met ’n kroon en staf.

Daar is meer museums in die VSA as Starbucks-koffiewinkels en McDonald’s-restaurante tesame.

Ná Barney Barnato se dood, is hy beskou as een van die rykste mense van die 19de eeu.

Die oorsprong van Suid-Afrika se volkspele was in Swede.

Inheemse diere kom ongelukkig nie meer sommer net enige plek in die land voor nie. Suid-Afrika het 19 nasionale parke gestig om sy natuurlike skoonheid en wild te beskerm. Saam maak die parke sowat 3% van die land se totale landmassa uit.

Petronella van Heerden was een van die eerste groepie vrouestudente aan die Victoria-kollege wat vandag as die Universiteit Stellenbosch bekend staan. Lydia van Niekerk was deel van die groepie en het later die eerste vroulike professor aan die universiteit geword. Die Victoria-kollege het op 2 April 1918 ’n universiteit geword.

Die bekende kunstenaar, Walter Battiss, het van die Uilhuis gehoor en het een dag spesiaal na Nieu-Bethesda gegaan om vir Helen Martins te ontmoet en na haar werk te kyk. Maar omdat sy so skaam was vir mense, het sy nie oopgemaak toe hy geklop het nie.

’n Baie groot verskeidenheid materiale kan gebruik word in die beeldhoukuns – van klip tot sneeu.

Die bekende sangeres Laurika Rauch is in 1977 deur Stephan Bouwer gevra om in die program Fyn net van die Woord te sing. Haar solosangloopbaan het toe net daar afgeskop.

Terwyl Ramaphosa op die bestuur van die vakbond NUM was, het die lede van 6 000 tot 300 000 toegeneem!