Oor ons
Weet is 'n aanlyn ensiklopedie en e-naslaangids vir leerders. Met dié platform wil ons aan leerders toegang gee tot goeie gehalte, betroubare inligting in Afrikaans, aanvullend tot die skoolkurrikulum, wat hulle in staat sal stel om naslaanwerk vir skooltake en -opdragte in Afrikaans te doen. Sodoende dra ons by tot Afrikaans-moedertaalonderrig op skool. Elke kind wat moeg is vir swoeg en sweet, kan uitvind by Weet! Weet is 'n inisiatief van Maroela Media.
Ontmoet Weet se span
Petronel Fourie
Weet se projekbestuurder
Vind diepgebraaide roomys vreemd; ʼn lewende bewys dat Brakpan goeie dinge oplewer; wil nog graag valskerm spring.
Elana Barker
Weet se inhoudsbestuurder
Elf jaar lank Afrikaans onderrig; Kalahari-kind; mal oor stories; wil graag deur Nederland toer.
Annami Simon
Weet se teksredakteur
Was al in Doebai, maar verkies Namakwaland; speel graag viool; wil nog Auschwitz besoek; sou ook in die teaterwêreld wou werk.
Monique Rabé
Dosent by NWU en taalpraktisyn vir Weet
Voormalige hokkiebokkie; het al krokette in België geëet; as sy weer ʼn beroep kon kies sou sy ʼn geoktrooieerde rekenmeester wees; het ʼn tweelingsussie.
Dawid Brand
Eienaar van Aksent en skrywer vir Weet
Was ʼn provinsiale tennisspeler op sy dag; groot koffiedrinker; wil sy vrou en kinders Parys, Frankryk, toe neem vir hul 21ste huweliksherdenking; rys-vleis-en-aartappels-tipe ou.
Jopie Koen
Eienaar van Pierneefteater en skrywer vir Weet
Mal oor enige vorm van brood; die perd wat haar skool te geneem het se naam was Japie; is ʼn kranige vlugbalspeelster; geniet wat sy doen en sou niks daarvan anders wou hê nie.
Zerelda Esterhuizen
Vryskutjoernalis en -teksredakteur en skrywer vir Weet
Doen joga en pilates en kyk graag die ander sportsoorte; wil Afrika nog verken en ‘n boek skryf; sou ook ‘n argeoloog wou word, of iemand wat pandabere vryf en kos gee.
Marelize Swanepoel
Vryskut-historikus, onderwyser en skrywer vir Weet
Het al ‘n gedroogde muis geëet; moes deur die Rio Grande-rivier swem om in Mexiko te kom; wil ‘n Lord of the Rings-toer deur Nieu-Seeland doen; sou ook ekonoom of rugbykommentator wou word.
Ilze Nieuwoudt
Publikasiebestuurder by AfriForum Uitgewers en skrywer vir Weet
Vind dit onmoontlik om ’n frikkadel se vorm behoue te laat bly in die kombuis; sou graag ‘n speurder wou word; droom daarvan om die Camino de Santiago te stap en ’n skrywerssabbatsjaar op die Franse/Italiaanse platteland neem.
Sophia Kapp
Skrywer, taalpraktisyn en skrywer vir Weet
Het al iets bruins en glibberigs in Hongkong geëet; wil nog ʼn opera in die Mariinski beleef; sou ook ‘n sjokolateur of oesterboer wou wees.
Stefan van Zyl
Afrikaanse taalnavorser en -skrywer vir Weet
Speel graag tennis; was al in Monaco; wil nog die Noorderligte in Noorweë sien; sal graag Afrikaans en Nederlandse letterkunde doseer.
Halrika Breytenbach
Kommunikasiekonsultant en skrywer vir Weet
Moenie vir haar afval opdis nie; lief vir ʼn broodjie; Namakwaland is ʼn groot deel van haar grootwordjare; wil graag nog oorsee reis saam met haar gesin.
Rudi de Beer
Departementshoof van
Intermediêre Fase by
Laerskool Du Preez van Wyk en SW-kundige vir Weet
Dieselfde eienskappe van ʼn brandrissie; sal krokodil en kangaroovleis eet; wil graag ʼn reis deur die VSA aanpak; sou graag wou boer.
Jacques du Plessis
Vakhoof by Laerskool Tygerpoort en NW-kundige vir Weet
Het al oor die waters onderrig; sy ma se baba; baie lief vir vleis, maar sal dit eenkant toe kan skuif en al sy groente eers eet; sal nie omgee om ʼn skeepskaptein of ʼn vlieënier te wees nie.
Lea Brink
Onderwyser by Pinnacle College Kyalami en KK-kundige vir Weet
Kranige danseres; was al in Switserland maar wil graag Franse sjampanje saam met haar man in die tuine van Parys geniet; sou wynmaker wou word.
Hildegard Brummer
Wolkskool-dosent en Wiskunde-kundige vir Weet
Voormalige perdryafrigter en stalbestuurder; wil nie haar tande in krokodilvleis slaan nie; skop haar dag af met iets wat onder twee minute neem; sou weer met perde wou werk.
Sandra Adendorff
Dosent by Akademia en
EBW-kundige vir Weet
Het al ʼn vreemde piesang in Ghana geëet; hou van draf; lief vir mense en verlang haar kinders in Nieu-Seeland; sal die eerste kans aangryp om weer te kan ‘paraglide’.
Hettie Bensch
Departementshoof van Opvoedkundige Leiding en LV-kundige vir Weet
Lief vir Parys, Frankryk, maar nie hul taai eendborsies nie; sou ‘n atleet wou wees; wil nog saam met dolfyne swem; sou ook opvoedkundige sielkundige kon wees.Ontmoet Weet se vennote
Die Afrikaanse Onderwysnetwerk (AON) is ‘n lae profiel, vennootskapgedrewe organisasie wat ten doel het om gehalte Afrikaanse onderwys volhoubaar in ‘n pyplyn van voorskoolse tot op tersiêre opleidingsvlak te bevorder. Die AON fokus op die instandhouding, groei, versterking en ondersteuning van gehalte Afrikaanse moedertaalonderwys in Suid-Afrika deur die vestiging van ‘n netwerk wat bekwame en toeganklike ondersteuning aan skole, onderwysers en onderwysinstellings bied.<br>
AfriForum Uitgewers (voorheen Kraal Uitgewers) is die trotse uitgewershuis van die Solidariteit Beweging en die tuiste van Afrikaanse niefiksie, Afrikanergeskiedenis én prima Afrikaanse produkte. Die uitgewer doen moeite om instellings in die Beweging te ondersteun met die uitgee van hoëgehaltepublikasies oor sake van belang vir die onderskeie organisasies; om ’n gebalanseerde weergawe van die Suid-Afrikaanse geskiedenis (in die besonder van Afrikanergeskiedenis) te bied; en om Afrikaans leesbaar, leefbaar en lieflik te maak met prettige, slim en unieke Afrikaanse produkte.
Die Wolkskool is ‘n wêreldklas aanlyn leerplatform met meer as 16 000 videolesse, werkkaarte en assesserings in 8 laerskool- en 16 hoërskoolvakke. Die platform maak van die nuutste tegnologie gebruik vir die beste aanlyn leerervaring in Afrikaans.
Die Vriende van Afrikaans (VVA), ‘n afdeling van die ATKV, bied deur middel van hul vlagskip-boektrommelprojek aan kinders blootstelling aan die wêreld van woorde en stories. Verder dryf die organisasie ook gesprekreekse en die jaarlike Koop-‘n-Afrikaanse-boekdag. Die VVA het hul boek Dae uit ons geskiedenis aan Weet beskikbaar gestel.
Saam verseker ons Afrikaans! Virseker, Suid-Afrika se eerste Afrikaanse korttermynversekeringsproduk weet hoe belangrik opleiding vir die Afrikaanse gemeenskap is. Die Virseker Trust is daarom gestig om vir Virseker polishouers die geleentheid te gee om betrokke te wees en om daadwerklik ‘n verskil te maak met opleidingsprojekte wat na aan ons harte lê. Die Virseker Trust is by talle Afrikaanse opleidingsprojekte betrokke en borg ook onderandere die Weet-projek.
